ЭМЯ-наас Ковид-19-тэй холбоотой цаг үеийн асуудлаар ээлжит мэдээлэл хийлээ. Энэ үеэр ХӨСҮТ-ийн Ерөнхий захирал Д.Нямхүү шинжилгээний хариунуудыг задалсан юм.

Тэрээр,

"Өчигдөр ХӨСҮТ-ийн вирус судлалын 2 лаборатори, Дархан-Уул аймгийн салбар лабораторид нийтдээ 255 хүнд шинжилгээ хийснээс 253 хүний шинжилгээнд Ковид-19 илрээгүй. Харин тавдугаар сарын 28-нд Алтан булгийн боомтоор орж ирсэн 2 оюутны давтан шинжилгээнд 10 хоногийн дараа коронавирус илэрлээ.

Бусад шинжилгээг задалж хэлбэл, ажиглах байранд тусгаарлагдсан 210 хүний давтан шинжилгээ, ХӨСҮТ-д тусгаарлагдсан 13 хүний давтан шинжилгээ, Алтанбулгийн боомтоор орж ирсэн 30 ачаа тээврийн жолоочийн шинжилгээнд тус тус коронавирус илрээгүй.

Өнөөдөр мөн 1 оюутан эдгэрэн ХӨСҮТ-өөс гарч байна. Энэ оюутан маань 22 настай, 23 хоног эмчлэгдээд эдгэрлээ." гэсэн юм.