Улсын онцгой комиссын шуурхай штабаас мэдээлэл хийлээ. 

ОБЕГ-ын дэд дарга, хурандаа Б.Ууганбаяр: 

"Оюу толгой" компани Австрали улс руу ажилчдадаа хүргэхээр МИАТ компанийн онгоцыг түрээслэн нислэг хийх гэж байгаа. Энэ боломж гарч байгаатай холбогдуулан Австрали улсад байгаа монгол иргэдээ татан авах үйл ажиллагааг зохион байгуулна. Энэ сарын 6-ны өдөр 02 цагт нислэг үйлдэж 8-ны өглөө онгоц буцаж ирэхээр төлөвлөсөн. 

Түүнчлэн улсын онцгой комиссын шуурхай штабаас гэрийн ажиглалтанд шилжсэн иргэдийг хянах гэнэтийн шалгалтыг хийлээ. Түүвэр байдлаар зарим айлын хаягаар очиж шалгалт хийсэн. Энэ шалгалтанд 94 хүн хамрагдсан. Ингэхэд 11 иргэн гэртээ байсангүй, 2 иргэний хаяг тодорхой байгаагүй. Энэ зөрчилтэй холбогдуулан тус иргэдэд хуулийн хүрээнд хариуцлага тооцно" гэв.