Хилчид өнгөрөгч долоо хоногт Дорноговь аймгийн Замын-Үүд, Сүхбаатар аймгийн Наран, Онгон, Дорнод аймгийн Халхгол, Увс аймгийн Сагил, Баруунтуруун сумдын хил орчмын нутаг дэвсгэрт оршин суух иргэдийн 854 тооны мал бэлчээрээр улсын хилд тулсныг илрүүлсэн байна.

Ийнхүү иргэдэд учирч болох 865 сая төгрөгийн хохирлоос урьдчилан сэргийлж, хилийн зурваст малаа хариулгагүй орхисон 14 хүнд Зөрчлийн тухай хуулийн дагуу хариуцлага тооцож, малыг хүлээлгэн өгчээ.