Монгол Улсын Хөгжлийн банкны санхүүгийн тайланд хийсэн аудитын байгууллагаас шалгалтаар ажлаас чөлөөлөгдсөн 14 ажилтанд нийт 290 сая төгрөгийг тэтгэмжийн зардал олгосныг зөрчилтэй гэж үзсэн байна. Энэ дунд тухайн үеийн удирдлагаар ажиллаж байсан Н.Мөнхсүхэд ТУЗ-ын тогтоолоор 61 сая төгрөг олгожээ. Энэ асуудлыг өөрөөс нь тодруулахад "Тухайн үед би хөдөлмөрийн гэрээгээр ажилласан. ТУЗ-аас шийдвэр гаргаж надад энэ мөнгийг олгосон" гэлээ. Харин бусад хүмүүст олгосон тэтгэмжийн тухайд "Монгол Улсын Хөгжлийн банканд очиход 144 хүний орон тоотой байсан. Бүтцийн өөрчлөлт хийж 140 хүний орон тоотой болсон. Бүтцийн өөрчлөлтөд багтсан хүмүүст хөдөлмөрийн хуулийн дагуу тэтгэмж олгогдсон" гэлээ.