Олон улсын жүдогийн бөхийн холбооны /IJF/ 2023 оны хамгийн эхний тэмцээн Португалийн Гранпри нэгдүгээр сарын 27-29-нд Алмада хотод боллоо. Алмадагийн татамид манай улсаас найман эрэгтэй, есөн эмэгтэй жүдоч дэлхийн шилдгүүдтэй өрсөлдсөн бөгөөд эрэгтэйчүүдийн +100 кг-ын жинд "Женко" клубийн тамирчин ОУХМ Одхүүгийн Цэцэнцэнгэл хүрэл медаль хүртлээ.

Тэрбээр Португалд таван барилдаан хийсэн бөгөөд медальтай үлдэх эсэхээ шийдэх барилдаанд өнгөрсөн жилийн Загребийн Гранприд ялагдаж байсан Нидерландын Ян Спижкерстэй барилдаж, хавирах мэхээр цэвэр ялснаар шагналын тавцанд зогссон байна.