Өнөөдөр болох зарим үйл явдлын хураангуйг хүргэж байна.
СКАЙ ПЛАЗА БИЗНЭС ЦЕНТР
09:00 цагт: Монголын уул уурхайн үндэсний ассоциаци нь Австрали Монголын засгийн газрын хамтарсан АМЕП 2 хөтөлбөртэй хамтран "Хариуцлагатай уул уурхай" хөтөлбөрийн хүрээнд зохион байгуулах Хөндлөнгийн үнэлгээний мэргэжилтэн бэлтгэх сургалт, уулзалт болно. Утас: 99120073
UG ARENA ТӨВ
10:00 цагт: Лего роботын үндэсний аварга шалгаруулах тэмцээн болно. Мөн дэд төрлүүд болох Сумо робот, цагаан зураас дагадаг робот, Америк хөлбөмбөгийн робот зэрэг тэмцээнүүд явагдана.
КОРПОРЭЙТ ЗОЧИД БУУДАЛ КОНВЕНШН ЦЕНТР
11:00 цагт: "Элэг бүтэн амьдръя" элэгний В, Д вирусын өвчтэй хүмүүсийн үндэсний хэмжээний чуулга уулзалт болно. Уулзалтад УИХ-ын гишүүн Ж.Чинбүрэн, Эрүүл мэндийн сайд С.Чинзориг, ХӨСҮТ-ийн дарга Ц.Билэгтсайхан, ХСҮТ-ийн дарга Н.Эрдэнэхүү нар оролцоно.
ГАДААД ХАРИЛЦААНЫ ЯАМ
14:00 цагт: Монгол Улс, Их Британ, Умард Ирландын нэгдсэн хаант улсын хооронд дипломат харилцаа тогтоосны 60 жилийн ойд зориулан шуудангийн марк болон гэрэл зургийн үзэсгэлэн нээлт болно.
