Яруу найрагч Ц.Хуланг тагнуулын хэргээр энэ сарын 18-19-нд шилжих шөнө 48 цагийн хугацаатайгаар ШШГЕГ-ын харьяа цагдан хорих 461 дүгээр ангид саатуулсан. Түүний 48 цагийн хугацаа өнөөдөр дуусна. Тиймээс прокуророос үргэлжлүүлэх хорих саналаа шүүхэд хүргүүлж, шүүх өчигдөр уг асуудлыг хэлэлцсэн ч Ц.Хулангийн өмгөөлөгч шүүгчээс татгалзах хүсэлт гаргаснаар хурлыг хойшлуулсан.

Тэгвэл Ц.Хулангийн өмгөөлөгчөөс гаргасан татгалзлыг тус шүүхийн Ерөнхий шүүгч шийдвэрлэсний дараа яллагдагч Ц.Хуланд цагдан хорих таслан сэргийлэх арга хэмжээ авах тухай прокурорын саналыг хянан хэлэлцэх шүүх хуралдааныг товлох юм байна.

Ташрамд дурдахад, Түүнийг гадаадын тагнуулын алба, иргэнтэй хууль бусаар хамтарч ажилласан гэх зүйл ангиар буруутгаж цагдан хорьсон гэх мэдээлэл байгаа юм. Мөн тэрбээр 2017 онд Монгол Улсын Ерөнхийлөгч асан Х.Баттулгын Соёл, шашны бодлогын зөвлөхөөр томилогдон ажиллаж байв.