Хөгжлийн банкнаас олгосон зээл, түүний эргэн төлөлтийг шалгах УИХ-ын Хянан шалгах түр хорооны нотлох баримтыг шинжлэн судлах эхний сонсгол Төрийн ордонд болж байна. Сонсголоор, Хөгжлийн банкнаас шууд санхүүжүүлсэн 3.5 их наяд төгрөгийн дүн бүхий 77 зээлдэгчтэй холбоотой асуудлыг хөндөж буй юм.

"Бэрэн Групп" ХХК-ийн чанаргүй зээлийн асуудлыг хэлэлцэх үеэр УИХ-ын гишүүн, Хууль зүйн байнгын хорооны дарга Б.Энхбаярын зүгээс "Бэрэн Групп" ХХК-т зээл олгох шийдвэрийг гаргах үед Ерөнхий сайдаар ажиллаж байсан УИХ-ын гишүүн Н.Алтанхуягийг гэрчээр дуудаж, "Олгосон зээлтэй холбогдуулан таныг хууль хяналтын байгууллагаас шалгасан зүйл бий юу" хэмээн тодрууллаа. УИХ-ын гишүүн Н.Алтанхуяг дараах тайлбарыг өглөө.