Өргөө амаржих газар төрөлжсөн мэргэшлийн эмнэлгийн гадна жирэмсэн эх машиндаа төрсөн гэх мэдээлэл цахим орчинд түгсэн. Тэгвэл тус мэдээллийн талаар Өргөө амаржих газар төрөлжсөн мэргэшлийн эмнэлгийн Эмчилгээ эрхэлсэн дэд захирал н.Алтантуяа "Хариуцлагын асуудлыг шат шатанд нь авна. Анх аав маань мэдээллийг дутуу өгсөн. Үүнээс шалтгаалж ойлголцлын зөрүүтэй байдал үүсч алдаа гарсан. Тухайн нөхцөлд ээлж хүлээлцэх цаг байсан тул хоёр эх баригч болон олон үйлчлүүлэгч байсан. Үйлчлүүлэгчид тусламж үзүүлж байсан. Эхнэрийгээ дүлэлттэй байгаа гэдгийг мэдээлж чадаагүйгээс болж алдаа үүссэн. Нийгэмд бухимдал үүсгэсэн эл асуудалд манай байгууллага хүлцэл өчиж байна. Машинаас зөөх нь эх, нярайд аюултай. Яах ийхийн зуургүй төрөлт явагдаж байгаа шүү дээ" гэв.
