Энэ мэдээ хуучирсан буюу 2022/12/14-нд нийтлэгдсэн мэдээ болно.

Авлигын хэрэгт холбогдсон улс төрийн албан тушаалтнуудад өршөөл үзүүлэхгүй байх хуулийн төслийг УИХ-д өргөн барихаар шийдлээ

Ангилал
Улс төр
Огноо
Унших
2 минут 0 секунд

Засгийн газрын ээлжит хуралдаанаас гарсан шийдвэрийн талаар танилцуулж байна. Энэ үеэр ХЗДХЯ-ны ТНБД П.Сайнзориг дараах мэдээллийг өглөө. Тэрбээр,

"Засгийн газрын ээлжит хуралдаанаар эрүүгийн хуулийн нэмэлт өөрчлөлтийн төслийг хэлэлцэж УИХ-д өргөн мэдүүлэхээр шийдлээ. Энэ удаагийн эрүүгийн хуулийн нэмэлт өөрчлөлтийг засгийн газар өмнө нь өргөн барьсан эрүүгийн хуулинд байсан томъёолол дээр анхаарч зөвхөн "Авлига, албан тушаалын гэмт хэрэг"-үүдтэй холбоотой заалтуудыг түргэн шуурхай батлуулах үүднээс анхаарч, хуулийн төслийг боловсруулж, УИХ-д өргөн мэдүүлэхээр тогтлоо.

Д.Сүхбаатарын талбай дээр жагсаж байгаа жагсагчдын шаардлагаас нэлээдгүй туссан гэдгийг хэлье.

Иргэдийн зүгээс авлига, албан тушаалын гэмт хэрэгт холбогдсон хүмүүст Хөөн хэлэлцэх хугацааг хэрэглэхгүй байх асуудлыг хэлсэн. Тиймээс бид үүн дээр анхаарч Монгол Улсын нэгдэн орсон олон улсын конвенцэд нийцүүлж, халдашгүй бүрэн эрхийг халхавчлан хөөн хэлэлцэх хугацааг уртасгадаг. Үүнээс шалтгаалан эрүүгийн хариуцлага хүлээхгүй нөхцөл байдал бүрддэг.

Тиймээс бид эрх бүхий этгээдээс хөөн хэлэлцэх хугацааг тоолж эхэлсэн байгаа. Мөн хэрэг хянан шийдвэрлэх ажиллагааны явцад бүрэн эрхийг нь түдгэлзүүлэх хүсэлт тавьж болно. Энэ тохиолдолд тухайн институц маань бүрэн эрхийг түдгэлзүүлсэн шийдвэр гаргаж өгөхгүй бол хөөн хэлэлцэх хугацааг зогсоож байгаа.

Бүрэн эрхийн хугацаа дууссанаас эхэлж тооцон эрүүгийн хариуцлагаар татах нөхцлийг бүрдүүлж байна. Тиймээс халдашгүй байдлын ард нуугдах ямар ч бололцоогүй болсон. Мөн авлига албан тушаалын хэрэгт өршөөл үзүүлэхгүй байх асуудлыг тодотгож оруулж ирсэн" гэв.

Ж.Ганбаатар: Экспортод гарах нүүрсний нээлттэй цахим арилжааны журмыг баталлаа
Ж.Ганбаатар: Экспортод гарах нүүрсний нээлттэй цахим арилжааны журмыг баталлаа
 
МАРГААШ: Улаанбаатарт бороо орохгүй
МАРГААШ: Улаанбаатарт бороо орохгүй
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц