АТГ-аас өнөөдөр /2022.12.13/ мэдээлэл хийж нүүрсний хэрэгт холбогдсон 17 хүний нэрийг зарласан. Эдгээр нэрсийн дунд УИХ-ын нэр бүхий 7 гишүүний нэр дурдагдсан бөгөөд түүний нэг нь УИХ-ын гишүүн Н.Наранбаатар байсан юм. Тэрбээр эл асуудалтай холбогдуулан "Миний нэрийг нүүрсний хулгайтай холбогдуулж зарлалаа. Надад нүүрстэй холбогдсон ямар ч бусармаг зүйл байхгүй. Манай нутгийнхан мэднэ. Надаас хууль, хяналтын байгууллага нэг ч удаа дуудаж мэдүүлэг аваагүй. Тиймээс би холбогдох байгууллагуудаас тодруулахаар хүсэлт гаргаж байгаа" гэв.