Дархан-Уул аймгийн "Оюуны ирээдүй" цогцолбор сургуулийн цайны газраас газ алдаж тэнд байсан багш ажилчид болон сурагчид хордож эмнэлэгт хүргэгдээд буй. Тус аймгийн Нэгдсэн эмнэлгийн ажилчид яаралтай арга хэмжээ авч ажиллаж буй юм. Одоогийн байдлаар биеийн байдал нь маш хүнд хүүхэд байхгүй ба гал тогооны хоёр ажилтанг эрчимт эмчилгээний тасаг руу шилжүүлсэн гэх мэдээллийг эмнэлгийн удирдлагууд өгөөд буй юм. Урьдчилсан байдлаар амьсгал боогдуулагч цацдаг хийг цацсан байж болзошгүй гэх мэдээлэл байгаа талаар аймгийн Засаг даргын орлогч Б.Жавхлан хэллээ. Түүнчлэн шалтгаан нөхцлийг тодруулахаар сургууль дээр онцгой, цагдаа, тагнуулын байгууллага ажиллаж байна.