Цахим хөгжил, харилцаа холбооны яамны дэд сайд Б.Болор-Эрдэнэ Олон улсын хуралдаанд оролцож байхдаа Орост сургууль төгссөн, боловсрол эзэмшсэн төрийн дунд шатныхантай холбоотой хэлсэн үг олон нийтийн эгдүүцлийг хүргэж эхэлсэн.
Тэрбээр "Орост боловсрол эзэмшсэн, хоцрогдсон ахмад, дунд шатныхан төрийн ажлыг хурдтай явуулахад саад болсон. Энэ нь Ерөнхий сайд, Засгийн газрыг ажил хийхэд саад тотгор учруулсан" гэх утгатай үг хэлсэн.
Тэгвэл энэ талаар АН-ын гишүүн, УИХ-ын гишүүн А.Адьшаагаас тодруулахад "Тэр хүн юу яриад байгааг ойлгоогүй. Төрийн дэд сайд хүн Олон Улсын байгууллагад очиж, Монгол Улсынхаа төрийн албыг хашиж байгаа хүмүүсийг ялгаварлан гадуурхах, асуудлыг Олон Улсын байгууллагын эндэр дээрээс ярьсанд хариуцлага тооцох ёстой. Ёс суртахууны хариуцлага ярих ёстой. Хоёрдугаарт, тэр хүн Үндсэн хууль зөрчсөн. Үүнийг шат шатанд нь хариуцлага яригдах байх" хэмээлээ.
