Олон нийтийн сүлжээгээр "Хүйтэн чингэлэгт хоёр нүцгэн хүүхэд уйлж байгаа дүр зураг" бүхий мэдээлэл тархав. Энэ талаар нэгэн иргэн цахим хуудсандаа байршуулсан бөгөөд ээж нь архи уухаар явсан гэх тайлбарыг бичжээ.

Тэгвэл уг асуудлаар Гэр бүл, хүүхэд, залуучуудын хөгжлийн газраас тодруулахад "Чингэлэг байж болох тус дүүргийн гурван хороог шалгаж байна. Мөн чингэлэгт байгаа хүүхдүүдийн асуудлыг тогтоохоор Хүүхэд хамгааллын хамтарсан баг ажиллаж байна. Уг постыг анх оруулсан иргэнтэй холбогдоход "Би зүгээр л фэйсбүүк дээр байсан мэдээллийг түгээсэн. Би мэдэхгүй" хэмээгээд өөрийн фэйсбүүкийг устгасан. Тиймээс дахиж холбогдож чадаагүй. Ямартай ч хүүхдүүдийн асуудлыг тогтоохоор ажиллаж байна" гэлээ.