ЭМЯ-наас Ковид-19-ийн талаар ээлжит мэдээлэл хийж байна. ХӨСҮТ-ийн захирал Д.Нямхүү:

"Өчигдөр ХӨСҮТ-ийн 2 лаборатори, Дархан-Уул аймгийн салбар лабораторид 397 хүнд шинжилгээ хийсэн, бүгдэд нь коронавирус илрээгүй. Тодруулбал, Улсын 3-р төв эмнэлэг, Баянгол дүүргийн нэгдсэн эмнэлгээс тандалтын зорилгоор цуглуулсан 5 сорьц, ХӨСҮТ-д тусгаарлагдсан 49, ажиглах байранд тусгаарлагдсан 282, Өмнөговь аймагт тусгаарлагдсан 7, Дорноговь аймгийн Замын-Үүд суманд тусгаарлагдсан 18 хүний давтан шинжилгээнүүд үүнд багтаж байна. Мөн 2020 оны дөрөвдүгээр сарын 30-нд Сөүл-УБ онгоцоор ирсэн зорчигчдын давтан шинжилгээ ч мөн багтсан байгаа.

Дархан-Уул аймгийн салбар лабораторид Алтанбулгийн боомтоор орж ирсэн 36 ачаа тээврийн машины жолоочийн сорьцод шинжилгээ хийхэд мөн Ковид-19 илрээгүй" гэлээ.

Өнөөдрийн байдлаар ХӨСҮТ-д 107 хүн ажиглалт, эмчилгээ, тандал, хяналтад байгаа аж.