НҮБ-ын Ерөнхий Ассамблей Украины дөрвөн бүс нутгийг өөртөө нэгтгэх гэсэн Оросын оролдлогыг олонхын саналаар буруушаалаа.
Уг тогтоолыг 143 орон дэмжсэн бол Хятад, Энэтхэг, Монгол зэрэг 35 улс түдгэлзсэн бол ОХУ, Беларусь, Хойд Солонгос, Сири, Никарагуа гэсэн таван улс тогтоолыг эсэргүүцсэн байна.
Хэдийгээр энэ нь бэлгэдлийн шинж чанартай ч Оросыг түрэмгийлснээс хойшхи хамгийн олон эсрэг санал өгсөн тохиолдол аж. Мөн өнгөрсөн долоо хоногт Кремльд болсон сүр жавхлант ёслолын үеэр ерөнхийлөгч Владимир Путин Украины зүүн хэсэг болох Луганск, Донецк, Запорожье, Херсон мужуудыг ОХУ-ын бүрэлдэхүүнд оруулах баримт бичигт гарын үсэг зурсан юм.
Түүнээс гадна Украины газар нутгийг булаан авсан явдлыг НҮБ хууль бус хэмээн үзэж ОХУ-ыг энэ шийдвэрээ цуцлахыг шаардсан байна. Мөн Украины Ерөнхийлөгч Володимир Зеленський Украины газар нутгийн бүрэн бүтэн байдлыг хангах тухай НҮБ-ын Ерөнхий Ассамблейн тогтоолд саналаа өгсөн улс орнуудад талархлаа илэрхийлжээ.
Эх сурвалж: BBC
