Нийслэлийн хэмжээнд нийт 188 байршилд зөвшөөрөлгүй барьсан 4860 гарааш буулгах ажил гуравдугаар сарын 15-нд эхэлсэн. Тэгвэл өнөөдрийн байдлаар 146 байршилд 3719 гараашийг буулгажээ.

Уг ажил одоогоор 76.5 хувьтай үргэлжилж байгаа ба энэ онд гарааш буулгасан 70 байршлын талбайд тохижилтын ажил хийх аж. Энэ нь ойр байршилтай газруудыг нэгтгэн 47 байршилд цогц тохижилт хийж буй гэсэн үг юм.

Зарим газар чөлөөлсөн талбайг цэцэрлэгийн эдэлбэр газарт бүртгэж, багачууд тоглож наадах орчин бүрдүүлсэн. Мөн зөвшөөрөлгүй гараашийг буулгаж, нийтийн эдэлбэрт бүртгэсэн газруудад тохижилт, бүтээн байгуулалтын ажлыг төр, хувийн хэвшлийн түншлэлийн хүрээнд хийж байна.