Украинтай тулалдах олон мянган цэргийг татах тухай Кремлийн шийдвэрийг эсэргүүцэн Орос иргэд жагсаал зохион байгуулж байна. Тус жагсаалын үеэр Оросын цагдаа нар маш олон хүнийг баривчилжээ.

Оросын хүний ​​эрхийн "ОВД-Инфо" байгууллага нийтдээ 1300 гаруй хүнийг саатуулсан хэмээн мэдэгдсэн байна. Хамгийн олон хүн Санкт-Петербург, Москвад баривчлагдсан аж.

Владимир Путины мэдэгдлийн дараа Оросоос гарах нислэгүүд маш хурдан дууссан гэж BBC агентлаг мэдээлжээ.

Украины эзлэгдсэн бүс нутгууд Орост нэгдэх талаар яаралтай бүх нийтийн санал асуулга явуулна гэж зарласнаас нэг хоногийн дараа ийм алхам хийсэн байна.