ЭМЯ, ХӨСҮТ-ээс коронавирусний халдвартай холбоотой цаг үеийн асуудлаар ээлжит мэдээлэл хийлээ.

Энэ үеэр ХӨСҮТ-ийн захирал Д.Нямхүү коронавирусний халдварын шинжилгээнд хамрагдсан хүмүүсийн тоо болон хариуг мэдээлэв.

Тэрбээр “Монгол Улсад коронавирусний шинэ тохиолдол илрээгүй.

Өчигдөр ХӨСҮТ-ийн хоёр лаборатори, Дархан-Уул аймгийн салбар лабораторид 57 хүний шинжилгээ хийсэн. Эдгээрээс халдвар илрээгүй. Мөн Сэлбэд тусгаарлагдсан хоёр хүний шинжилгээнээс коронавирус илрээгүй.

Өмнөговь аймгийн Шивээхүрэн боомтод коронавирусийн сэжигтэй нэг тохиолдол бүртгэгдсэн. Сэжигтэй тохиолдлын сорьцыг ХӨСҮТ-д авчирч байна.

Өнөөдрийн байдлаар ХӨСҮТ-д 104 хүн тандалт, судалгаа, шинжилгээнд хамрагдаж байна" гэв

У.БИЛГҮҮН