Ховдын ИТХ: О.Хангай аваргад өгсөн 200 сая төгрөгийг төсвөөс гаргаагүй, Хөшөөт сангаас өгсөн

Ангилал
Нийгэм
Хэзээ
Унших
1 минут 12 секунд

Ховд аймгийн Буянт сумын харьяат О.ХАНГАЙ "Монгол улсын Аварга" цол хүртсэний талархал, хүндэтгэлийн ёслол өнгөрсөн мягмар гарагт тус аймагт зохион байгуулагдсан билээ. Энэ үеэр Ховд аймгийн ЗДТГ, ИТХ-аас 200 сая төгрөг, Ховд аймгийн нутгийн зөвлөлийн дарга Ц.Баатарсайхан “Ланд круйзер-300” маркийн автомашин бэлэглэсэн.

ИТХ-аас бэлэглэсэн 200 сая төгрөг нь орон нутгийн хөгжлийн сангийн мөнгө байсан гэх мэдээлэл олон нийтийн шүүмжлэлийг дагуулаад буй. Төсвийн мөнгөөр тэтгэмж, шагнал, урамшуулал, дэмжлэг олгохыг Хэмнэлтийн тухай хуулиар хориглосон байдаг.

Иймд уг асуудлыг Ховд аймгийн ИТХ-аас тодруулахад "О.Хангай аваргын цолны ёслолын үеэр төсвийн мөнгөнөөс ямар ч зардал гараагүй. ИТХ-аас бэлэглэсэн гэх 200 сая төгрөгийг "Ховд Хөшөөт хөгжил сан"-гаас өгсөн." гэх тайлбарыг өглөө.

"Ховд Хөшөөт хөгжил сан" нь Ховд аймагт үйл ажиллагаа явуулдаг Хөшөөтийн нүүрсний уурхайд харьяалагддаг аж.

ХӨГЖЛИЙН БАНК: 17 компанийн 83,9 тэрбум төгрөгийн чанаргүй зээл байна
 
“Орон сууц түрээслүүлнэ“ хэмээн бусдаас 15 сая төгрөг залилсан иргэнд 5 жилийн хорих ял оноожээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!