Монгол Оросын хамтарсан гуравдугаар сургуулийн захирал Ж.Соронзонг үүрэгт ажлаас нь халах шийдвэрийг БШУ-ны сайд Л.Энх-Амгалан гаргасан. Гэхдээ эцсийн шийдвэрийг ОХУ-ын тал шийднэ хэмээн тус сургуулийн ТУЗ-ийн дарга Ж.Батбаясгалан мэдээлсэн юм.

Тэгвэл БШУ-ны сайдын шийдвэртэй холбогдуулан ОХУ-ны Элчин сайдын яамнаас мэдэгдэл гаргажээ. Мэдэгдэлд "Орос, Монголын хамтарсан гуравдугаар сургуулийн захирлыг ТОМИЛОХ асуудлыг сургуулийн дүрэмд заасан боловч харин ЧӨЛӨӨЛӨХ талаар заагаагүй нь Монголын тал дангаар шийдвэр гаргана гэсэн агуулгагүй. Монгол, Оросын хамтарсан гуравдугаар сургуулийн асуудлыг нэг тал дангаараа шийдэхгүй бөгөөд ийм нөхцөлд ХОЁР ТАЛ ЯАРАЛТАЙ ЗӨВЛӨЛДӨХ ёстой гэсэн хатуу байр суурьтай байна" гэжээ.