Улсын онцгой комиссын ээлжит хуралдааны шийдвэрийн талаар Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг мэдээлэл хийлээ.

Тэрээр "Дөрөвдүгээр сарын 15-ны өдөр өндөржүүлсэн бэлэн байдал зарласантай холбоотой засгийн газрын 139-р тогтоолоор бүх шатны сургалтын төвүүд болон ЕБС, сургуулийн өмнөх боловсрол, Их дээд сургуулиудын үйл ажиллагааг есдүгээр сарын 1-ний өдрийг хүртэл зогсоосон. Энэхүү тогтоолд өөрчлөлт оруулж, мэргэжлийн сургалтын төвүүдийг нээх саналыг Улсын онцгой комиссоос гаргаж Засгийн газрын хуралдаанаар оруулна. Лхагва гарагт болох засгийн газрын ээлжит хуралдаанаар уг саналыг оруулан тогтооолд өөрчлөлт оруулснаар нийт 1088 сургалтын төв шат дараатайгаар үйл ажиллагаагаа явуулах боложтой болно. Шат дараатайгаар нээнэ гэдэг нь ЭМЯ, болон холбогдох байгууллагуудын тавьсан шаардлагыг хангасан байх ёстой. Тэдгээр шаардлагыг хангасан сургалтын төвүүдэд үйл ажиллагаагаа явуулах эрх нээгдэнэ гэсэн үг.

Одоогоор анхан шатны ур чадвар олгох сургалтын 414 төв,  Гадаад хэлний сургалтын 255 төв, Жолоо болон мэргэшсэн жолоооны 419 сургалтын төвүүд үйл ажиллагаа явуулах зөвшөөрөлтэй байна.