БШУЯ-наас өнөөдөр их, дээд сургуулийн элсэлт, бүртгэл, чанарын талаар асуудлаар мэдээлэл хийлээ. Тус мэдээллийн үеэр БШУ-ны сайд Л.Энх-Амгалан Монголын Үндэсний их сургуулийн талаар дурдлаа.

Тэрбээр "МҮИС надтай эвлэрье гэсэн, би эвлэрэхгүй шүүхээр шийдүүлнэ. Энэ сургууль надтай шүүхээр явж байгаа. Шүүхээр эвлэрэх саналыг надад тавьсан. Би эвлэрэхгүй гэдгээ хэлсэн. Есдүгээр сарын 15-наас өмнө шүүх хурал болохгүй бол хэн гэдэг шүүгч дээр удаж байгааг зарлана гэж бодож байна. Ардын Их хурлын тогтоолоор олгосон МҮИС гэх нэрийг хулгайгаар авсан асуудлыг зөвтгөсөн шийдвэр гаргавал энэ шүүгчийг шүүгчийн ёс зүйн хороонд өгнө. Арай ч ийм цөөнхийн эрх ашигт үйлчилсэн шүүгч Монгол Улсад байхгүй гэж итгэж байна” гэв.