Засгийн газраас Төрийн хэмнэлтийн тухай хуулийн хэрэгжилтэд аудит хийх хүсэлтийг Үндэсний аудитын газарт өгсөн. Энэ дагуу Төрийн аудитын байгууллага төрийн хэмнэлтийн хуулийн хэрэгжилтэд хяналт тавихаар боллоо. Тодруулбал,, төрийн аудиттай уялдуулах замаар төрийн хэмнэлтийн бодлого, хэрэгжилт, үр дүнтэй холбоотой асуудлыг аудитад хамруулах аж.

Төрийн хэмнэлтийн хуулийг хэрэгжүүлэх явцад бий болсон хэмнэлт, үр өгөөжийг бодитой тооцоолох боломжтой болно гэж үзжээ. Түүнчлэн төрийн үйл ажиллагаанд ил тод байдлыг хангах, үр ашгийг нэмэгдүүлэх, төрийн аудитад төрийн хэмнэлттэй холбоотой аудитын горим, арга зүйг төлөвшүүлэх үр дүнд хүрэхээр тодорхойлжээ.