Монгол Улсын Засгийн газраас 2023, 2024 оныг “Монгол Улсад зочлох жил” болгон зарласантай холбоотойгоор дотоодын аялал жуулчлалыг дэлхий дахинд сурталчлах ажлын хүрээнд ХБНГУ-ын алдарт дугуйчин Кийду Кунзег эх орондоо урилаа. Тэрбээр Монгол Улсын баруун хязгаараас, зүүн хязгаар хүртэл аялж, өдөрт 350-400 км замыг 20 цаг тасралтгүй дугуйгаар туулан, гиннесийн рекорд эвдэх төлөвлөгөөтэй аж.

Герман, Швед, Норвеги, Хятад, Вьетнам зэрэг улсад КОВИД-19 цар тахлын дараа дугуй түрээсийн бизнес хүчээ авч, дугуйн аялал жуулчлал эрчимтэй хөгжүүлснээр улсынхаа эдийн засагт дэмжлэг үзүүлж байна. Монгол улсад ч дугуйн аялал жуулчлалыг хөгжүүлэх бүрэн боломжтой. Алдарт дугуйчин Кийду Кунзегээр дамжуулан энэ чиглэлийн аялал жуулчлалыг дэлхий нийтэд таниулах зорилготой юм.