Задгайгаар цемент борлуулахыг есдүгээр сарын 1-ний өдрийг хүртэл түр зогсоохоор болжээ. Тодруулбал, "Цемент шохой" төрийн өмчит хувьцаат компанийн цементийн үйлдвэрийн үндсэн түүхий эдийг бэлтгэдэг үйлдвэрийн эргэх зууханд халалт үүсч дахин цааш үргэлжлүүлэн ажиллах боломжгүй болсон тул төлөвлөгөөт их засварын ажил хийхээр болсон аж. Засварын ажлыг есдүгээр сарын 1 гэхэд дуусгахаар төлөвлөсөн ба энэ хугацаанд задгайгаар цемент борлуулахыг зогсоохоор болсон байна.