Хан-Уул дүүргийн 20 дугаар хороо, “Мишээл-Экспо"-ийн урд Туул голын салаанд хүүхэд живсэн гэсэн дуудлага 15:33 цагт Онцгой байдлын газарт ирсэн байна. Нийслэлийн аврах ангийн алба хаагчид 10 км замыг туулан 15:54 цагт очиж, 3 метрийн гүнд 4 удаагийн шумбалт хийж 16:00 цагт Хан-Уул дүүргийн харьяат 15 настай, эрэгтэй хүүхдын цогцсыг олж гарган Цагдаагийн байгууллагад шилжүүлэн өгсөн байна.

Иргэд гол усны эрэг дагуу амарч, зугаалахдаа анхаарал болгоомжтой явахыг сэрэмжлүүлж байна.