Хөгжлийн банкнаас зээл авсан чанаргүй зээлдэгчдийн гуравны нэгийг төрийн болон төрийн өмчийн оролцоот компаниуд эзэлж байгаа.

Тэгвэл "зээл авсан компани болон зээлийн хэмжээ нь тодорхой учир эдгээр компанийн зээлийг төр төлөхгүй. Тухайн зээл авсан хуулийн этгээд өөрөө зээл болон өрийг төлж барагдуулна.

Жишээлбэл, Төрийн орон сууцны корпорац нь Хөгжлийн банкнаас гурван удаа зээл авсан байдаг. Тухайн үед зээлээ төлөх боломжтой байсан хэдий ч удирдлага болон ажиллаж байсан нөхдүүдийн хариуцлагагүй үйлдлээс болж зээлийн асуудал хүндэрсэн. Энэ асуудлыг хууль хяналтын байгууллагууд шалгаж байгаа. Тиймээс эдгээр байгууллагаас гарах шийдвэрийг тодорхой хэмжээнд харах ёстой гэж үзэж байна. Зээл авсан төрийн өмчит компаниуд үйл ажиллагаагаараа зээлээ төлнө" гэдгийг Төрийн өмчийн бодлого зохицуулалтын газрын дарга Б.Цэнгэл засгийн газрын хуралдааны үеэр мэдээллээ.