Шатахуун тээвэрлэгч автомашины жолооч согтуугаар жолоо барьснаас онхолджээ. Тодруулбал, Өвөрхангай аймгийн Тарагт сумын Их булаг багийн “Голын-Өндөр” гэдэг газар шатахуун тээвэрлэгч автомашин онхолдсон тухай дуудлагыг зургаадугаар сарын 8-ны өдрийн 19:30 цагт хүлээн авсан. Дуудлагын дагуу тус аймгийн Онцгой байдлын газар, аймгийн Тээврийн цагдаагийн албаны алба хаагчид ажиллажээ.

Ингэхэд Улаанбаатар хотоос Өвөрхангай аймгийн Уянга сумын Бөөрөлжүүт багийн “Бүрэгдэй” гэдэг газар үйл ажиллагаа явуулдаг ашиглалтын талбайд 22 тонн түлш хүргэхээр ирсэн 49 настай эрэгтэй М согтууруулах ундаа хэтрүүлэн хэрэглэсэн үедээ жолоо барьснаас “Танклори” загварын цистерн онхолдсон байжээ. Алба хаагчид онхолдсон автомашиныг 22:40 цагт татаж босгосон байна.