Согтууруулах ундаа хэрэглэсэн үедээ 9 давхар барилгаас унаж амиа хорлохыг завджээ. Тодруулбал, Орхон аймгийн ..... сумын ..... багийн 9 давхар барилгын дээврээс 1 хүн унах гэж байна гэсэн дуудлага аймгийн онцгой байдлын албанд өнгөрсөн шөнө 01.52 цагт ирсэн байна.

Тус аймгийн Онцгой байдлын газрын Эрэн хайх, аврах бүлгийн алба хаагчид 01:54 цагт ангиас гарч 4 км замыг туулан 01:59 цагт очиход тус байрны оршин суугч иргэн 20 настай эрэгтэй А согтууруулах ундааны зүйл хэрэглэсэн үедээ 9 давхар барилгын дээвэр дээр гарч унаж амиа хорлохыг завдсан байж болзошгүй байсныг 57 минут ажиллан эсэн мэнд буулгаж, аймгийн Цагдаагийн газрын жижүүрийн бүрэлдэхүүнд хүлээлгэн өгсөн аж.