Монголын триатлоны холбооны IV бага хурал өчигдөр болсон. Бага хуралд нийт 57 төлөөлөгч хүрэлцэн ирж оролцож Монголын триатлоны холбооны 2018-2022 оны үйл ажиллагааны тайлан, санхүүгийн тайланг хэлэлцэж, тус холбооны 2022-2026 оны стратегийн төлөвлөгөөг баталсан.

Мөн зохион байгуулалтын асуудал хэлэлцэж, Холбооны ерөнхийлөгчөөр МҮОХ-ны Гүйцэтгэх зөвлөлийн гишүүн Ц.Сандуй, ерөнхий нарийн бичгийн даргаар Б.Цагаанбаатар нар улиран сонгогдсон бөгөөд Холбооны удирдах зөвлөлийн бүрэлдэхүүнийг шинэчилсэн.