Дундговь аймагт цагдаагийн алба хаагчид зам тээврийн осол гаргаж, үүний улмаас нэг хүн амиа алдсан харамсалтай хэрэг гарчээ. Тодруулбал, гурван цагдаагийн албан хаагч дуудлагаар очиж үүргээ гүйцэтгээд буцаж явахдаа сургуулийн багш эмэгтэйг мөргөсөн байна. Харин тухайн багш эмэгтэй гэмтлээ даалгүй нас баржээ.

Энэ талаар ЦЕГ-аас тодруулахад "Хэргийг харьяалал тогтоолгохоор орон нутгийн прокурорын байгууллагад хүргүүлсэн. Прокуророос харьяаллын дагуу АТГ-т шилжүүлж, албаны шалгалт хийгдэнэ. Тухайн албан хаагч нар эрүүл. Дуудлагаар үүргээ гүйцэтгэж яваад буцахдаа хүн мөргөж, аминд нь хүрсэн. Осол шөнийн цагаар гарсан" гэлээ.