БНСУ-руу Хөдөлмөрийн гэрээгээр ажиллах иргэдийн хаврын бүртгэл өнөөдрөөс /2022.04.25/ цахимаар явагдаж эхэллээ. Бүртгэлийн програм өглөөний 9:00 цагт албан ёсоор нээгдсэн бөгөөд энэ жилийн тухайд 2200 иргэнийг бүртгэх квоттой аж. Хөдөлмөрийн гэрээгээр ажиллах иргэн нь 18-39 насны, Солонгос хэлний зохих түвшний мэдлэгтэй байх шаардлагатай. Бүртгэгдсэн иргэдийн Солонгос хэлний түвшин тогтоох шалгалтын товыг тавдугаар сарын 13-нд Хөдөлмөр, халамжийн үйлчилгээний ерөнхий газраас тавих юм. Ингэхдээ тавдугаар сарын 23-аас зургадугаар сарын 14-ний хооронд шалгалтыг зохион байгуулах аж.

БНСУ-д хөдөлмөрийн гэрээгээр ажиллах хүсэлтэй иргэдийн шалгалтын бүртгэл solongos.hudulmur-halamj.gov.mn цахим системээр явагдана.