Америкийн кино академийн Оскарын шагнал гардуулах ёслолын үеэр комедиан Крис Рок үзэгчдийг хөгжөөх зорилгоор хошигнол ярих зуураа Холливудын кино од Уилл Смитийн гэргийн халцарсан үсний талаар ярьсан. Түүний үйлдэлд эгдүүцсэн Уилл Смит тайзан дээр гарч ирэн, Крис Рокийн хацрыг хүчтэй алгадсан нь дэлхий нийтийг шуугиулсан. Үүнтэй холбоотойгоор Уилл маш олон боломжоо алдаад байгаа.

Мөн Уилл Смит, Жада Пинкетт нарыг салж байгаа гэх мэдээллийг зарим эх сурвалж өгч эхэлжээ. Уиллийн Оскарын наадмаас үүдэлтэй асуудал багагүй шуугиан тарьж, хэл ам дагуулсан. Тиймээс тэд салалтаа шуугиан болголгүй, нам гүм шийдье гэсэн байр суурьтай байж магадгүй байгааг эх сурвалжууд мөн хэлжээ.