УИХ-ын дарга Г.Занданшатар болон нэр бүхий гишүүд Далай ламтай очиж уулзсан зураг цахим орчинд цацагдсан. Харин үүнийг УИХ-ын Тамгын газрын дэд дарга С.Батбаатар "Их Хурлын дарга Далай ламтай уулзаагүй. Уулзах боломж ажил төрлийн болоод төр ёсны үүднээсээ байхгүй. Г.Занданшатар дарга Энэтхэгт 2021 оны арван хоёрдугаар сарын 1-3-нд айлчилсан. Тэр үеэрээ уулзсан байх гэж “буудсан” харагдана лээ. Албан ёсны айлчлалынхаа хүрээнд хэнтэй уулзаж, ямар арга хэмжээнд оролцсоныг тухайн үед нь УИХ-ын Тамгын газрын Хэвлэл мэдээллийн хэлтэс албан ёсоор мэдээлсэн. Parliament.mn сайтаас эргүүлээд үзвэл байж л байгаа" хэмээжээ.

Тэгвэл түүнтэй хамт Далай багштай уулзсан гэх УИХ-ын гишүүн А.Адьшаа zarig.mn сайтад дараах тодруулгыг өгчээ. Тэрбээр "Өнгөрсөн оны арванхоёрдугаар сард УИХ-ын даргын Энэтхэгийн айлчлалд би багтсан. Айлчлалд таван гишүүн багтсан. Айлчлалын үеэр Далай ламтай уулзах боломж байгаагүй. Энэтхэгт коронавирусийн өндөржүүлсэн бэлэн байдал зарлагдсан үе.

УИХ-ын дарга бид хэдийг Далай ламд бараалхсан гэх зураг нь ФОТОШОП" гэх тайлбарыг өгчээ.