Үнийн өсөлт, тэгш бус байдлыг эсэргүүцсэн залуусын жагсаал өнөөдөр ч үргэлжилж байна. Тэдний жагсаал энэ сарын 7-нд буюу өнгөрсөн пүрэв гаригт эхэлсэн. Тодруулбал, тав дахь өдрөө үргэлжилж байна.

Тэд Ерөнхий сайдад 15 шаардлага хүргүүлсэн бөгөөд шаардлагын 11-ийг Засгийн газрын ээлжит хуралдаанаар шийдвэрлэж буйгаа Ерөнхий сайд Л.Оюун-Эрдэнэ мэдээлсэн. Гэвч залуус "Ирээдүй чинь энд байна, та нар хаана байна", "Шийдвэр хүлээсээр үр дүн хаана байна", "Бид үзэл бодлоо худалдахгүй", "Шийдвэр ҮР ДҮН" хэмээн бичсэн уриаг барин жагсаалаа үргэлжлүүлсээр байна.