Оросын сэтгүүлч Марина Овсянникова телевизийн шууд эфирт Украины дайныг эсэргүүцэн уриа лоозон барьж зогссон. Тодруулбал, тэрбээр "Энэ галзуурлаа зогсоо. Юунаас ч бүү ай. Тэд бид бүгдийг хорьж чадахгүй" хэмээн бичсэн байдаг.

Улмаар түүнийг эл үйлдлийнх нь төлөө саатуулаад байсан юм. Тэгвэл тус сэтгүүлчийг 14 цаг байцаасны эцэст сулласан байна. Энэ тухай сэтгүүлч Марина Овсянникова "Хоёр хоног унтаагүй, хууль зүйн туслалцаа авах боломж олгоогүй" гэжээ.

Мөн түүнийг дүрс бичлэгтэй нь холбоотойгоор 30 мянган рублиэр торгож шийтгэсэн байна.