МоАХ-ны тавдугаар их хурал өнөөдөр /2022.03.07/ болж байна. Энэ үеэр АН-ын дарга асан С.Эрдэнэ "Өнөөдрийн тавдугаар их хурал бол хууль ёсных. МоАХ-нд хууль ёсны Ерөнхийлөгч байхгүй. 2015 оны долдугаар сарын 2-ны өдөр ТББ-ын хуулийн дагуу улсын бүртгэлд бүртгүүлэхдээ Х.Баттулга анхны үүсгэн байгуулагчдыг бүгдийг нь хассан. Тухайн үед бүртгүүлэхдээ нэг үүсгэн байгуулагч, нэг гишүүнтэйгээр бүртгүүлсэн байдаг. МоАХ-г хэн дуртай нь татан буулгаж, улсын бүртгэлд бүртгүүлж хувийн компани мэтээр хувьчлах нөхцлийг хэн бий болгосон юм. Харин өнөөдөр өөрсдийгөө МоАХ-ны удирдлага гэж үзэж байгаа хүмүүс бүгд хууль бус, гэмт хэргийн шинжтэй үйлдэл. ТББ-ын эрхэнд халдаж, хууль бусаар эрхийг нь булааж авсан үйлдэл байгаа юм.
Хоёрдугаарт, МоАХ-нд хуваагдсан зүйл байхгүй. Энэ хөдөлгөөний үйл ажиллагааг идэвхжиж байгааг эсэргүүцэж аль эсвэл хуваагдаж байгаа мэтээр харж болохгүй. Нийгэмд шударга ёс, хүний эрх алдагдаж байгаа үед үйл ажиллагаа нь идэвхжиж байгаа нь зөв.
Залуучууд маань Ардчилсан холбоогоо идэвхжүүлээд босч ирж байгаа нь өөрөө зүй ёсны асуудал. Үүнд ямар нэгэн хуваагдал асуудал байхгүй. Х.Баттулга, С.Эрдэнэ аль нь бай үүнд хамааралгүй. Х.Баттулга зайгаа тавьж өгөх хэрэгтэй. Нийгмийн үндэсний хэмжээний хөдөлгөөний үйл ажиллагаанд бүү саад бол гэж хэлмээр байна" гэв.
