Говь-Алтай аймгийн Цээл сумын Дэрстэй багийн “Хавчигийн-Ус” гэдэг газарт хоёрдугаар сарын 27-ны өдрийн 19:00-20:00 цагийн хооронд 20-28 м/с түр зуурын хүчтэй шороон шуурга шуурсаны улмаас гэр нурсан тухай мэдээллийг хоёрдугаар сарын 28-ны өдрийн 07:48 цагт хүлээн авсан. Шуурганд малчин А-ийн 4 ханатай гэр нурж, тус сумын Засаг даргын Тамгын газраас ажлын хэсэг тухайн газарт очиж, нөхцөл байдалтай танилцаж ажиллажээ.

Говь-Алтай аймгийн Алтай сумын Бадрал багийн “Зөөлөн” гэдэг газар /аймгийн төвөөс баруун урд зүгт 304 км-т, сумын төвөөс зүүн хойд зүгт 40 км-т/ хоёрдугаар 27-ны өдрийн 20:00 цагийн орчим 18-24 м/с хүчтэй шороон шуурга шуурсны улмаас агуулах, байрны нурсан тухай дуудлагыг өнгөрөгч сарын 28-ны өдрийн 16:20 цагт хүлээн авсан. Шуурганд “Улз дриллинг” ХХК-ийн агуулах болон халуун усны дээвэр нурж, тус сумын Засаг даргын Тамгын газраас ажлын хэсэг хоёрдугаар 28-ны өдөр тухайн газарт очиж, нөхцөл байдалтай танилцаж ажилласан.