Коронавируст халдварын нөхцөл байдлын талаар ЭМЯ-ны Эмнэлгийн тусламжийн газрын дарга Ж.Нарангэрэл мэдээлэл өглөө. Тэрбээр "Өнөөдрийн байдлаар эмнэлэгт хэвтэн эмчлүүлж буй иргэдийн 9.9 хувь нь эмнэлзүйн нэн хүнд, хүнд хэлбэрээр өвдсөн байна. Нэн хүнд болон хүнд хүмүүсийн тоо буурах хандлагатай байгаа нь ажиглагдаж байна.

Нийслэлд 4300 ор бэлдсэн байснаас 2200 ор дээр иргэдийг авсан. Бусдыг нь үндсэн тусламж үйлчилгээнд шилжүүлсэн. Өнөөдрийн байдлаар 402 жирэмсэн эмэгтэй эмнэлэгт хэвтэн эмчлүүлж байгаа. Сургууль, цэцэрлэгийн үйл ажиллагаа эхэлсэн үед хүүхдэдээ тавих анхаарлаа бүү сулруулаарай" гэлээ.