Монгол Улсын Үндсэн хууль батлагдсаны 30 жилийн ойд зориулсан Улсын Их Хурлын хүндэтгэлийн хуралдаан төрийн ордонд болж өндөрлөлөө. Хуралдаанд УИХ-ын гишүүд, Монгол Улсын Ерөнхийлөгч У.Хүрэлсүх, Ерөнхий сайд Л.Оюун-Эрдэнэ нар оролцсон юм.
Хуралдаанаар Ерөнхийлөгчийн тамгын газрын дарга Я.Содбаатар Үндсэн хуулийн эхийг "Их хуралдай" танхимд хүндэтгэн залсан. УИХ-ын дарга Г.Занданшатар Үндсэн хууль батлагдсаны 30 жилийн ойд зориулсан илтгэл тавьснаар өнөөдрийн хуралдаан өндөрлөсөн юм.
