Хан-Уул дүүргийн гуравдугаар хорооны нутагт дэвсгэрт байрлах “Задгай”-д эмийн үйлдвэрийн агуулахад химийн бодис алдагдсан байна. Тодруулбал, Үндэсний Аврах бригадын алба хаагчид үйлдвэрийн агуулахад очиж, “Газ тек TG-1” багажаар хэмжилт хийхэд 2.5 ppm “Цианамид” алдагдсан байжээ. Улмаар уг алдагдсан цианамидыг усаар саармагжуулж, өрөө тасалгааны цонхыг онгойлгож агаар сэлгэсэн байна.

Таван цагийн дараа дахин хэмжилт хийхэд тус үйлдвэр дэх агаарын найрлагад “Цианамид” илрээгүй аж.