БАЙР СУУРЬ: Казахстаны асуудлаар ХЭН ЮУ ХЭЛЭВ

Казахстан Улсын Засгийн газар 2022 оны нэгдүгээр сарын 1-ний өдрөөс эхлэн шингэрүүлсэн хийн үнийг нэмэгдүүлэх шийдвэр гаргасантай холбогдуулан эсэргүүцлийн жагсаал гарч буй. Засгийн газар огцрорч, тус улсад онц байдал зарласан ч эмх замбараагүй байдлыг намжихгүй хэвээр буй тул цэргийн хүч дайчлан ажиллаж байгаа билээ. Тус улсад интернет сүлжээ тасалдсан учир сүүлийн үеийн мэдээллээр хомс байгаа билээ. Энэхүү нөхцөл байдлын талаар Монголын улс төрчид, нийтлэлчид ямар байр суурь илэрхийлснийг хүргэж байна.

Ерөнхийлөгч асан Ц.Элбэгдорж Казахстаны үйл явц Дарангуйлал цаасан бар болсныг; Зөөлөн газардалт, утсан хүүхэлдэйд үл хууртахыг; Тархи угаалт, шинэ нийслэл ч эрх чөлөөг эс орлодгийг; Ардчилал амаргүй ч аюул багатай тогтолцоо гэдгийг; Амташсан хархнууд түрүүлж зугатдагийг нотоллоо гэв.

Казахстаны үйл явц юуг нотлов.
1. Дарангуйлал цааасан бар болсоныг;
2. Зөөлөн газардалт, утсан хүүхэлдэйд үл хууртахыг;
3. Тархи угаалт, шинэ нийслэл ч эрх чөлөөг эс орлодогийг;
4. Ардчилал амаргүй ч аюул багатай тогтолцоо гэдгийг;
5. Амташсан хархнууд түрүүлж зугатдагийг; pic.twitter.com/mNr2euCXSP

— Mongol Tsakhia ELBEGDORJ (@elbegdorj) January 5, 2022

Ерөнхий сайд асан С.Баяр Монгол, казах нар сайдаж муудаж явсан, яваа, явах хөршүүд. Бид туулсан түүхээрээ холбоотой. Шинэ нөхцөл, шинэ зуунд хөгжих гээд л алдаж онон өнхөрч яваа хоёр ижил дугуй. Нэг нэгэндээ дэм байх ёстой. Ялангуяа том гэгдэх хэдийн хөзөр даалуу болчихгүйн тулд санаа бодол нэг байвал гэв.

Монгол, казах нар сайдаж муудаж явсан, яваа, явах хөршүүд. Бид туулсан түүхээрээ холбоотой. Шинэ нөхцөл, шинэ зуунд хөгжих гээд л алдаж онон өнхөрч яваа хоёр ижил дугуй. Нэг нэгэндээ дэм байх ёстой. Ялангуяа том гэгдэх хэдийн хөзөр даалуу болчихгүйн тулд санаа бодол нэг байвал...

— S.Bayar (@SBayar12) January 5, 2022

Нийтлэлч Б.Батбаяр /Баабар/ Гадаадын цэргийн хүчин назарбайевчуудыг Казахстаны ард түмнээс хамгаална. Ямар сонсогдож байна? ШХАБ-д элсэнэ гэж гүрийгээд байсан манайхан адилхан сонсогдож байна уу гэжээ.

Гадаадын цэргийн хүчин назарбайевчуудыг Казахстаны ард түмнээс хамгаална. Ямар сонсогдож байна? ШХАБ-д элсэнэ гэж гүрийгээд байсан манайхан адилхан сонсогдож байна уу?

— Baabar (@Baabarniitlelch) January 6, 2022

“Бид энгийн иргэд террористууд биш”, “Зэвсэг барьсан энхийн сахиулагчид- энхийг сахиулагчид биш” гэж жагсаж бна даа https://t.co/ePzM5xszER
— Мэндсайхан ЭНХСАЙХАН (@Enkhsaikhan_PM) January 7, 2022

Казахстаны үйл явдлаас манай эрх баригчид МАН нэг юмыг сайн ойлгож ав. Одоо нэг намын ноёрхол нэг хүнийг тахин шүтдэг тогтолцоог улс орнууд ард түмэн хүлээж авахгүй болсон. Сөрөг хүчнээ дарж ганцаараа ноёрхох гэсэн эрмэлзлэл бүхэн ийм л юманд хүргэх байх шүү эцсийн эцэст.

— chinzo_teacherJET (@charleyjet) January 6, 2022

Казахстан Сингапур маягаар хөгжлийг бүтээж ирсэн. Монголын яг эсрэг зам, сонирхолтой жишээ кэйс байв. Даанч Назарбаев ЛиКүан шиг авлигатайгаа тэмцэж, өөрөө үлгэрлэж, төрийн албаа цэгцэлж чадсангүй, авлигадаа ялагдлаа. Авлигатайгаа хамт хөгжсөн улс нэг ч үгүй. Монголд сургамж!

— Badrakh NAIDALAA (@Naidalaa) January 6, 2022

Казахстанд ОДКБ-ын цэргийн ангиуд орж эхэлсэн бололтой. Дотоодын самуун ийнхүү цэргийн интервенц болж хувирч байх шиг байна. Юу болохыг тэнгэр л мэдэж дээ

— Ё. Отгонбаяр (@OtgonbayarY) January 6, 2022

Казахстанд болж байгаа үйл явцаас нэг зүйлийг бодож байна. Ерөөсөө дарангуйлал, нэг хүнийг тахин шүтэх нь хамгийн эмзэг засаглалын хэлбэр ажээ. Муу сайн ч ил тод ярилцаад өөрийгөө засаглагч төрийг сонгоод явдаг ардчилалд ийм байдлаар төр эргүүлэх, гадныхан оролцох бараг боломжгүй