Нийслэлийн Засаг дарга бөгөөд Улаанбаатар хотын захирагч Д.Сумъяабазар ирэх онд нийслэлийн төрийн алба хаагчдын цалинг 50-55 хувиар нэмэх талаар мэдэгджээ.

Тэрбээр "Үнийн өсөлттэй холбогдуулан цалингийн зохицуулалт хаанаа ч хүрэхгүй байна. 3-5 хүүхдийнх нь нүд нь бүлтэгнээд хүлээж байдаг, амьдрал нь төрийн албанд тогтож байгаа хэцүү нөхцөл байдалд төр өөрөө оруулж байгаа. Үүнийг бид нөгөө талд нь зохицуулж өгөх ёстой. Иймээс эхний удаагийн өөрчлөлтүүдийг эрх зүйн зохицуулалтуудаар бид оруулж өгсөн. Ирэх жилд цалин 50-55 хувиар нэмэгдэнэ. Яваандаа нийслэлийн төрийн алба хаагчдын цалинг 100 хувь нэмэх амлалтыг өгсөн байгаа. Үүнийгээ үе шаттайгаар хэрэгжүүлнэ" гэв.