УИХ-ын чуулганаар Монгол Улсын Их Хурлын хяналт шалгалтын тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна. Хэлэлцэж байгаа асуудалтай холбогдуулан УИХ-ын гишүүн Ц.Даваасүрэн үг хэллээ.

Тэрбээр "УИХ-аас Засгийн газрын гишүүддээ хариуцлага тооцож, огцруулахыг буруу байна гэсээр болиулсан. Хоёр ч удаа Ерөнхий сайд нь сайд нараа томилж оруулж ирлээ. Энэ хоёр Засгийн газар гялалзсан уу. Өмнөх Засгийн газруудаас өөр байж чадсан уу. Үндсэн хуулиа дуртай цагтаа өөрчлөөд байж болохгүй. Төрийн эрх барих дээд байгууллага ажилдаа эзэн болж чадахгүй байна. УИХ-ын нэр хүнд шалдаа буусан. Өөрсдөө ажилдаа эзэн болж чадахгүй байхад биднийг хэн ч тоохгүй. Хяналт шалгалтын хуулийн хүрээнд шалгалтаа гүйцэт тавьдаг байх хэрэгтэй" гэв.