Шинэ Зеланд улс хойч үедээ тамхи худалдахыг хориглож, эцэст нь тамхинаас улс даяар татгалзах болно. Тухайлбал ирэх онд гарах хуулийн дагуу 2008 оноос хойш төрсөн хүн насан туршдаа тамхи худалдан авах боломжгүй болох юм.

Энэ талаар Эрүүл мэндийн сайд Доктор Айеша Вералл "Бид залуучуудыг хэзээ ч тамхи татаж эхлэхгүй байхыг хүсэж байна" гэжээ.

Энэхүү арга хэмжээ нь Шинэ Зеландын эрүүл мэндийн яамнаас зарласан тамхины эсрэг өргөн цар хүрээтэй тэмцлийн нэг хэсэг аж. Шинэ Зеланд улс 2025 он гэхэд үндэснийхээ тамхидалтыг таван хувь хүртэл бууруулах үндэсний зорилт тавьсан бөгөөд эцэст нь бүрмөсөн үгүй хийх зорилготой байгаа юм.