ХБХХЕГ-ын “Бэрх биш ээлтэй” аяны хүрээнд “Хөгжлийн бэрхшээл ба хөдөлмөр эрхлэлт-2021” сэдэвт эрдэм шинжилгээний хурлыг 2021 оны 11 дүгээр сарын 25-ны өдөр зохион байгууллаа.
Хөгжлийн бэрхшээлтэй хүний бүхий л салбарт судалгаа явуулж буй төрийн болон төрийн бус байгууллага, эрдэм шинжилгээний байгууллага, ерөнхий боловсрол болон их, дээд сургуулийн оюутан, багш, эрдэмтэн, судлаачид нийт 80 гаруй илтгэл ирүүлсэн юм. Шилдэг 8 илтгэлийг шүүгчдийн бүрэлдэхүүн нээлттэй хэлэлцэж, 4 байрыг шалгарууллаа.
I байранд “Камер ашиглан Монгол дохионы хэлийг хөрвүүлэх нь”
Ч.Намуун-Эрдэнэ, Ч.Отгонхүү /МУИС, Мэдээлэл компьютерийн ухааны тэнхим, Инженерчлэлийн сургууль/
II байранд “Тусгай хэрэгцээт боловсролын багш мэргэжлээр төгсөгчдийн хөдөлмөр эрхлэлтийн байдлыг судалсан нь”
Т.Батцэнгэл (Ph.D), дэд профессор /МУБИС, Тусгай хэрэгцээт боловсролын тэнхмийн эрхлэгч/
III байранд “Хөгжлийн бэрхшээлтэй иргэдийн хөдөлмөр эрхлэлтийн талаарх шинжилгээний ажил”
С.Цэрэндулам ахлагчтай баг /Хөдөлмөр, нийгмийн хамгааллын судалгааны институт/
IV байранд “Хөгжлийн бэрхшээлтэй хүний гэр бүлийн хүчирхийлэлд өртөж буй байдал, түүнд нөлөөлж буй хүчин зүйлс”
Г.Жаргалмаа, Н.Болдмаа (Ph.D) /Хараат бус судалгааны хүрээлэн, Худалдаа, Үйлдвэрлэлийн Их Сургууль/ илтгэлүүд тус тус шалгарлаа. Мөн шаардлага хангасан илтгэлүүдийг эрдэм шинжилгээний өгүүллэгийн эмхтгэлд оруулж, хэвлүүлэн олны хүртээл болгох гэж байна.
