МУИС-ийн захиргаанаас вакцины дархлаа сэргээх нэмэлт тун болох III тундаа хамрагдсан оюутнуудыг “Өргөө” кино театрт кино үзэх тасалбараар урамшуулахаар болжээ.

Тодруулбал, маргааш, нөгөөдөр буюу энэ сарын 18, 19-ний өдрүүд МУИС-ын Төв номын санд дархлаажуулалтын явуулын цэг ажиллах юм. Энэ үеэр III тунд хамрагдсан оюутнуудад кино театрт кино үзэх тасалбар өгөх юм.

Вакцины III тунд хамрагдахын тулд вакцины хоёр тунд хамрагдсанаас гурван сарын дараа хамрагдах боломжтой. Мөн хоёр тунд хамрагдсан ч халдвар авсан бол эдгэснээс 21 хоногийн дараа III тундаа хамрагдана.