Хууль зүйн байнгын хорооны хуралдаанаар Шүүхийн ерөнхий зөвлөлийн шүүгч бус гишүүнд нэр дэвшигчдийн асуудлаар томилгооны сонсгол явуулж байна.
Үүнтэй холбогдуулан гишүүд асуулт асууж, хариулт авч байна.
УИХ-ын гишүүн, ХЗДХ-ийн сайд Х.Нямбаатар "ШЕЗ-ийн болон Шүүхийн сахилгын хорооны шүүгч бус гишүүдийг сонгон шалгаруулах журам баталсан. Энэ журамд ШЕЗ-ийн шүүгч бус гишүүнд нэр дэвшигч нь ШЕЗ-ийн гишүүнээр ажиллаж байгаагүй иргэн байна гэж заасан. Тодруулбал, орон тооны гишүүн байсан эсэх хамаагүй, зохицуулалт хийх боломжгүй. Би энэ сонгон шалгаруулалтын комиссынхонд харамсаж байна. Бид Шүүхийн тухай хуулийн хамгийн амин сүнс болох хуульчдаас шүүгчдийг шилж сонгох, улстөрөөс хараат бус ангид байлгах үүрэг хүлээлгэж байгаа хүмүүсээ сонгон шалгаруулахдаа энэ хууль, журмаа зөрчиж оруулж ирж байгаад харамсаж байна. Гэтэл өнөөдөр энэ журмынхаа 2.3 дугаар заалтыг зөрчөөд оруулж ирж байгааг хараад шүүхийн шинэчлэл үр дүнд хүрэх үү гэдэгт эргэлзэж эхэлж байна" гэлээ.
Хуралдаан үргэлжилж байна.
