Нийслэлийн удирдах ажилтнуудын шуурхай зөвлөгөөн өнөөдөр /2021.11.15/ болж байна. Энэ үеэр Улаанбаатар хотын захирагч бөгөөд Хотын дарга Д.Сумъяабазар нэмэлт тунгийн дархлаажуулалтыг эрчимтэй явуулахыг холбогдох албаныханд үүрэгдлээ. Тодруулбал, Коронавирусийн эсрэг вакцины нэмэлт тунгийн хамрагдалд нэмэгдсэн. Улмаар өвчлөл буурч байгаа эерэг үр дүн гарч байгаа. Гэхдээ хамрагдалтын хувийг дахин нэмэх шаардлагатай байгаа бөгөөд ингэж байж бид улбар шар түвшнөөс шар төвшинд шилжиж шинэ жил, цагаан сараа тэмдэглэх боломж бүрдэнэ. Баяр ёслол гэхээсээ илүү Улаанбаатар хотын эдийн засаг, олон нийтийн сэтгэл зүйлд чухал ач холбогдолтой учир иргэд нэмэлт тунд идэвхтэй хамрагдах шаардлагатай байгаа болохыг мэдээлсэн юм.